Search

Ajub din the mohabbat k
Ajub mousam the chahat k
Kabhi ger yaad aa jayen
Tou palkon per sitare jhilmilate hain
Kisi ki yaad mein raaton ko
Aksar jaagna mamool tha apna
Kabhi ger neend aa jati tou hum yeh sochne lagte
Abhi to Woh humare waaste roya nahin ho ga
Abhi soya nahin ho ga
Abhi hum bhi nahin rotay
Abhi hum bhi nahin sotay
So phir hum jaagte the aur Usko yaad kerte the
Aikele beth ker veeran dil abaad kerte the
Humare samne taaron k jhurmat mein
Akela chaand hota tha
Ju Us k husn k agay bohat hi maand hota tha
Falak per raqs kerte un'ginat roshan sitaron ko
Ju hum tarteeb dete the
Tou US ka naam banta tha
Hum aglay roz jab milte tou
Guzri raat ki bekali ka ziker kerte the
Her ik qissa sunate the
Kahan kis waqt
Kis tarah se dil dharka batate the
Main jab kehta k
JANAN..!! AAJ TOU MAIN RAAT KO IK PAL NAHIN SOYA
Tou woh khamosh rehti thi
Mager us ki neend mein doobi hoyi 2 jheel si ankhain
Achanak bol uthti theen
Main jab us ko batata tha k
Main ne raat ko roshan sitaron mein
TUMHARA NAAM DEKHA HAY
Tou woh kehti' tum jhoot kehte ho
Sitare main ne dekhe the
Aur un roshan sitaron mein tumhara naam likha tha
Ajub masoom lerki thi,mujhe kehti thi
Lagta hay k ab apne sitare
Mil hi jayen gaye
Mager usko kya khaber thi
Kinare mil nahin sakte
Mohabbat ki Kahani me
Mohabbat kerne walon k
Sitare mil nahin sakte....!!!!

ik din shararatan us k kamre me ja kr,

deewar pe likhe kuch harf parhna chahe,,

ja baja hath se bani tasveeron ko samjhna chaha,

kahin sookhe gulab ki patian thin,

kahin takiya aansoun se num tha,

phr kitabon se aisi kitab mere hath lagi,

jis k safha awal pe mera naam tha,

kuch lafaz likhay the,mera hath laraz utha,

chehra paseene se tar tha,

meri sada mere kanoon mn gonjne lagi,

MUJHE KHABAR BHI NAHI

K WOH KHAMOSH SA SHAKSH,

MUJHE ES QADAR CHAHTA HAY

Kabhi yun jo ho kisi din agar
Kabhi tu mujhey sar raah miley

Mein hazaar lamhon ko khainch kar
Yeh jo chalta waqt hai baandh doon

Yeh jo gardishain hein zameen ki
Usi ik lamhey pe ruki rahain

Mein taka karoon tujhey jazb se
Yunhi pyar se yunhi ishq se
Teri her adaa ko samait loon

Mein hisaar-e-jaan mein sajaa rakhon
Na tu keh sakey , na mein keh sakon

Tu jo paas ho to mein jee sakon
Tu jo door ho na jiya karoon

Kabhi yun jo ho kisi din agar
Merey humsafar tu jo na miley
Mein hazaar dharkanon ko khainch kar
Ye jo chalta dil hai baandh doon

Ye jo silsiley hein meri saans ke
Teri doori mein hi haar doon

Tu jo paas ho to mein jee sakoon
Tu jo door ho , na jiya karoon

Kabhi yun jo ho kisi din agar

Khud apne liye beth ke sochenge kise din
yuun hai ki tujhe bhuul k dekhenge kisi din
bhatke hue phirte hain kai lafz jo dil men
duniyaa ne dia waqt to likhenge kisi din
hil jaayenge ik baar to arshon k dar-o-bam
ye Khaak nasheen log jo bolenge kisi din
apas ki kise baat ka miltaa hii nahi vaqt
har baar ye kehte hain k baithenge kisi din
jaan teri yaad ke be naam parinde
shaakhon pe mere dard kii utrain ge kisi din
jaati hai kisi jheel ki gehrai kahaan tak
aankhon men teri Doob ke dekhenge kisi din
Khushbuu se bhari shaam men jugnuu k qalam se
ik nazm tere vaaste likhen ge kisi din
soyenge teri aankh ki Khilvat men kisi raat
saaye men teri zulf k jagen ge kise din
Khushbuu ki tarah ,asl-e-sabaa Khaak numaa se
galiyon se tere shahar kii guzren ge kise din
Amjad hai yahi ab ke kafan baandh k sar se
us shahar-e-sitamgar men jaayenge kisi din

Koi Ghazal Suna Ker Kya Karna
Yoon baat barha Ker Kya Karna

Tum Mere Thay Tum Mere ho
Duniya Ko bata Kar Kya Kerna

Tum Ehad Nibhao Chaahat Say
Koi Rasm Nibha Kar Kya Karna

Tum Khafa bhi Achay Lagtay ho
Phir Tum Ko Manaa Kar Kya Karna

Tere Dar Pe Aa K bethay hain
Ab Ghar bhi Ja Ker Kya Karna

Din Yaad Se Acha Guzray Ga
Phir Tum Ko bhula Ker Kya Karna?

Ek Din Mili Wo Mujh Sy
Bujhi Bujhi Si
Jhuki Jhuki Si
Udasion Main Rachi Basi Si

Jo Main Ny Poocha
Udaas Kyun Ho .. ?

Jhuka K Palkain
Chupa k Chehra
Lagi Wo Kehne !

Udaasion Ka Sabab Tum Hi Ho
Mere Naseebon Main
Tum Nahi Ho!!!

Kuch Din Pehle Mohabbat Ko Sapna Samjha Hum Nay
Muhabbat Hoi Mohabbat Ko Apna Samjha Hum Nay

Mohabbat Main es Kidar Kho Gaye
us Ki Be-Wafai Ko Wafa Samjha Hum Nay

Zakham es Kdar Mohabbat Nay Diye
In Zakhmon Ko Phool Samjha Hum Nay

Mohabbat Ki Cheekh o Pukaar es qadar Thi
Ke Aas Pass Kay Logo Kay Ronay Ko Hansi Samjha Hum Nay

Dewaana es qadar Mohabbat Nay Banaya Hum Ko
Keh Apno Ko Begaana Samjha Hum Nay

Mohabbat Ki Yaadain Dil Par Kuch You Naksh Kar Gaye
Keh Un Ko Bhulanay Ki Khoshish Main Khud Ko Bhula Diya Hum Nay

Mujhe Kaamil Yaqeen Hai Tum Meri Ho Jao Gi Ik Din
Tumhare Dil Main Utrain Gay, Muhabbat Ki Sada Ban Kar


Mere Josh-e-Junoon Par Saari Khalqat Mujh Ko Takti Hai
Zara Tum Bhi Nazar Dalo, Na Betho Youn Khuda Ban Kar


Tumhein Ye Raaz Batla Doon, K Aksar Chand Raaton Main
Tere Aangan MaiN Aata Hoon SitarOn Ki Zia Ban Kar


Jigar Ka Khoon Laya Hoon Tairay Singhar Ki Khaatir
Hatheli Per Racha Lena Ye Mehke Ga Heena Ban Ker